Hutsik

Total: 0,00 €

3 urte

HH 3 urteko Urtxintxa proiektuko software dibertigarri honek 12 gai lantzen ditu, eta gai bakoitzari, pantaila animatu baten bidez, sarrera ematen zaio. Hortik aurrera, gai bakoitzeko jarduera mordoa dituzu jolastuz ikasteko. Zure laguna den Ttantto izango duzu programaren gidari eta laguntzaile. Atal ugari ditu: gaia aukeratzeko pantaila; jarduera aukeratzeko pantaila; pantaila animatuak; pertsonaien memoria edo karta-bikoteen jokoak; gaiarekin erlazionaturiko hiztegia lantzeko jokoak; ipuinak; olerki-, asmakizun- eta margoketa-txokoak; itzalen jokoak; puzzleak; zenbatzen ikasteko jokoak; sailkapenak…

Ordenagailuaren gutxieneko ezaugarriak: Windows 98 edo berriagoa, 64 Mb-eko RAM memoria, 800x600 pixel eta milaka koloretako monitorea eta soinu-txartela.

Jokora jolasteko, fitxategiak deskargatu, deskonprimitu eta .exe fitxategian klik bikoitza egin behar duzu.

 

30,00 €
Body: 

Uda honetan, Argitxo izango da zure lagunik onena. Argitxo poltsa, zure janariak eta edariak eramateko, Argitxo edalontzia, eta, Argitxoren bi ipuin, mendian nahiz hondartzan disfrutatzeko!

Sorta: Argitxo edalontzia, Argitxo poltsa, Argitxo eta arlotea (ipuina), Argitxo eta ipotx galtzaberdea (ipuina)

20,00 €
Body: 

HELBURUAK:

Argitxorekin identifikatuz eta jolastuz euskararekiko atxikimendua garatzea. Horrekin batera,  banaka nahiz binaka jolastuz disfrutatzea eta kideekiko errespetuzko jarrerak izatea.

Jarduera osatzeko behar den arreta,  irudikapen espaziala eta kontrol motorra (esku-motrizitatea) garatzea eta norbere sentimenduak eta pentsamenduak era egokian adierazteko ahozko hizkuntza erabiltzea.

Ezaugarriak:  Argitxoren irudia duten 6, 9, 12 eta 16 zatiko 4 puzzle. Puzzleen neurria: 16x16 cm

NOLA JOLASTU:

Jolasten hasi baino lehen, lau puzzleetako zatiak banatzea komeni da. Horretarako, fitxa bakoitzak atzealdean inprimatuta daukan irudiari edo zatiaren neurriari erreparatu beharko zaio.

Bakarka:

Argitxoren zein puzzle osatu nahi duen pentsatu, eta, dagokion fitxa multzoa hartuko du haurrak. Ondoren, ahuspez dauden puzzle zatiak gora begira jarri, eta, prest dago dena puzzlea osatzen hasteko.

Puzzlea egiterako orduan lagungarri izango da kaxaren azalean dagoen ereduari begiratzea. Puzzlea osatzeko era desberdinak daudenez, haurrak, bere sormena erabiliz, aukeratzen duen bidea izango da egokiena.

Binaka:

Aukeratu puzzle bat, eta, berari dagozkion zatiak bi haurren artean banatuko dira. Bien artean osatuko dute puzzlea, bakoitzean batek fitxa bat jarrita.  Behin puzzlea osatuta, irudietan ikusten dutena kontatuko diote batak besteari: Zer ikusten duten, non dauden, zer egiten ari diren, zer gertatu den, zer gustatzen zaien, zer sentitzen duten…

Jolasteko beste era bat puzzlea begiak itxita egitea izan daiteke. Zentzumenen bidez sentsazioak jasotzeaz gain elkarrekintza bideratzea du helburu.  Puzzlea egingo duenak begiak itxita izango ditu. Beste kideak, gidariak, puzzle zatiak emateaz batera argibideak emango dizkio, ahoz, bere kideari, toki zuzenean koka dezan dagokion zatia. Ondoren, paperak txandakatuko dira. Argibideak oker ere eman daitezke, nahita, irudi barregarri bat sortzeko!

Helduon laguntzarekin:

Irudietan ikusten duenaren azalpen laburra egiteko eskatuko diogu haurrari. Esaterako: “Argitxoren irudi hauetatik zein da gehien gustatzen zaizuna? Zerk harritu zaitu gehien? Zergatik? Zer dago irudi horretan? Zer gertatzen da bertan? Haurrak aipatu ez dituen elementuak identifikatzen eta bere kontakizuna aberasten lagunduko diogu, galdera eta laguntza egokien bidez: “Esan duzun hori argitu dezakezu? Zehatzago azaldu dezakezu?...”

Argitxoren irudietatik abiatuta, emozioez hitz egiteko aukera izango dugu. Esaterako: “Nola dago Argitxo irudi honetan? Alai ala triste? Zergatik ote da? Eta zu, noiz egoten zara pozik? Zer egiten duzu pozik zaudenean? Eta, triste zaudenean, zergatik izaten da?...”

Erreferentzia:  11013

15,00 €

Orriak

RSS - 3 urte-rako harpidetza egin