Hutsik

Total: 0,00 €

Jolasak eta jokoak

Body: 

HELBURUAK:

Etxe ondoan edo herri-gunetik oso hurbil familiaren kontsumorako baratze txikiak, ortuak  izatea  ohikoa izan da gure herrietan, gure kulturan. 

Jolas  kooperatibo  honen bidez nekazari girora hurbilduz, eta ohitura horren transmisioa bermatu nahian, baratzean urtaro bakoitzean zer erein eta  zer landatzen den  ezagutuko dugu, eta baratzea zaintzeko egin behar diren lanetan murgilduko gara. Gure neska-mutilek baserriko nahiz hiriko baratzeko oinarrizko egutegia ezagut dezaten nahi dugu.

EZAUGARRIAK:

Edukia: Taula (50x50 cm), Pertsonaiak (3 Baserritar eta Basurdea), Basurdearen puzzlea (12 zati), Haziak eta landareak (18 fitxa), Ortuarien uzta (18 fitxa), Fruituen uzta (8), Lanak (9 fitxa),  eta dadoak (zenbakiduna eta berezia). Jolasteko arau zehatzak eta ortuarien egutegia aparteko orri batean.

NOLA JOLASTU:

HELBURUA

Jolasaren helburua da hiru baserritarren artean, kooperazioan, ahalik eta uzta gehien jasotzea. Baratzeko lanak ere egin beharko dituzte bide naturalak erabiliz, gainera! Eta naturaren egoerei eta basurdeari aurre egin! Ez da lan erraza!

Uzta batu baino lehen basurdeak bere 24 zatiko puzzlea osatzen badu, baserritarrek galdu dute jolasa!

Urrezko baserritarraren titulua lortzeko ortuarien eta fruituen artean 20 eskuratu behar dira, eta lurraren zaintzarekin lotutako 5 lan egin, guztien artean.

Zilarrezko baserritarraren titulua eskuratzeko ortuarien eta fruituen artean 13 eskuratu behar dira, eta lurraren zaintzarekin lotutako 3 lan egin, guztien artean.

JOLASTEKO ARAU ZEHATZAK KAXA BARRUAN.  

27,00 €
Body: 

HELBURUAK:

Argitxorekin identifikatuz eta jolastuz euskararekiko atxikimendua garatzea. Horrekin batera,  banaka nahiz binaka jolastuz disfrutatzea eta kideekiko errespetuzko jarrerak izatea.

Jarduera osatzeko behar den arreta,  irudikapen espaziala eta kontrol motorra (esku-motrizitatea) garatzea eta norbere sentimenduak eta pentsamenduak era egokian adierazteko ahozko hizkuntza erabiltzea.

Ezaugarriak:  Argitxoren irudia duten 6, 9, 12 eta 16 zatiko 4 puzzle. Puzzleen neurria: 16x16 cm

NOLA JOLASTU:

Jolasten hasi baino lehen, lau puzzleetako zatiak banatzea komeni da. Horretarako, fitxa bakoitzak atzealdean inprimatuta daukan irudiari edo zatiaren neurriari erreparatu beharko zaio.

Bakarka:

Argitxoren zein puzzle osatu nahi duen pentsatu, eta, dagokion fitxa multzoa hartuko du haurrak. Ondoren, ahuspez dauden puzzle zatiak gora begira jarri, eta, prest dago dena puzzlea osatzen hasteko.

Puzzlea egiterako orduan lagungarri izango da kaxaren azalean dagoen ereduari begiratzea. Puzzlea osatzeko era desberdinak daudenez, haurrak, bere sormena erabiliz, aukeratzen duen bidea izango da egokiena.

Binaka:

Aukeratu puzzle bat, eta, berari dagozkion zatiak bi haurren artean banatuko dira. Bien artean osatuko dute puzzlea, bakoitzean batek fitxa bat jarrita.  Behin puzzlea osatuta, irudietan ikusten dutena kontatuko diote batak besteari: Zer ikusten duten, non dauden, zer egiten ari diren, zer gertatu den, zer gustatzen zaien, zer sentitzen duten…

Jolasteko beste era bat puzzlea begiak itxita egitea izan daiteke. Zentzumenen bidez sentsazioak jasotzeaz gain elkarrekintza bideratzea du helburu.  Puzzlea egingo duenak begiak itxita izango ditu. Beste kideak, gidariak, puzzle zatiak emateaz batera argibideak emango dizkio, ahoz, bere kideari, toki zuzenean koka dezan dagokion zatia. Ondoren, paperak txandakatuko dira. Argibideak oker ere eman daitezke, nahita, irudi barregarri bat sortzeko!

Helduon laguntzarekin:

Irudietan ikusten duenaren azalpen laburra egiteko eskatuko diogu haurrari. Esaterako: “Argitxoren irudi hauetatik zein da gehien gustatzen zaizuna? Zerk harritu zaitu gehien? Zergatik? Zer dago irudi horretan? Zer gertatzen da bertan? Haurrak aipatu ez dituen elementuak identifikatzen eta bere kontakizuna aberasten lagunduko diogu, galdera eta laguntza egokien bidez: “Esan duzun hori argitu dezakezu? Zehatzago azaldu dezakezu?...”

Argitxoren irudietatik abiatuta, emozioez hitz egiteko aukera izango dugu. Esaterako: “Nola dago Argitxo irudi honetan? Alai ala triste? Zergatik ote da? Eta zu, noiz egoten zara pozik? Zer egiten duzu pozik zaudenean? Eta, triste zaudenean, zergatik izaten da?...”

Erreferentzia:  11013

15,00 €
Body: 

HELBURUAK:

Euskaraz jolasten disfrutatuz euskararekiko atxikimendua garatzea;  arau errazak errespetatuz talde jokoetan gogoz eta kideekiko errespetuz parte hartzea, eta  honekin batera, sormena lantzea.

Euskal Herriko Ingurune naturala eta Euskal Mitologia ezagutzeko jakin-mina izatea, eta beraiekiko errespetuzko jarrerak garatzea.

Ezaugarriak:  Egurrezko taula, 4 Prakagorriren figurak, bi dado, eta poltsatxoa. Taularen neurria: 29x29 cm

NOLA JOLASTU:

Argitxo basora joan da, bere kriseilua etxean ahaztuta. Prakagorriek aurkitu dute kriseilua, eta,  zuen laguntza behar dute Argitxori kriseilua eramateko. Bihurtu zeuek ere Prakagorri eta lagundu Argitxori!

Basorako bidean, gauza asko aurkituko  dituzue:  ardiak, marigorringoak, amuarrainak, txantxangorriak, tximeletak, kuku-prakak, otso-aztarnak, haritzak, txibiritak, perretxikoak,  martin-arrantzaleak… Ezagutzen al dituzue?

Izaki magikoak ere aurkituko dituzue: Anbotoko Mari, Euskal Mitologiako jainkosa nagusia,  bere ahariaren ondoan;  erreka ondoetan bere adatsa urrezko orraziaz orrazten egoten den Lamia; basoko jaun eta jabe den Basajaun;  eta, azkenik, Tartalo begibakarra, erraldoi beldurgarria.  Eguzki-loreak ere izango dira bidean, zuen bidea errazteko.

Jolasteko bi era proposatzen dizkizuegu: 

. Kooperazioan: Jolaskide bakoitzak Prakagorri batekin jolastuko du, baina lau Prakagorriak helmugara iritsi arte ez da amaituko jokoa. Prakagorri bat helmugaratzen denean, bere txandak oraindik helmugaratu ez diren Prakagorriei laguntzeko erabiliko dira.

. Ohiko eran: Jolaskide bakoitzak Prakagorri batekin jolastuko du, eta, lehenengo iristen denak irabaziko du.

Ausartuko zarete jolasteko era eta arau berriak asmatzen eta adosten? Izan zaitezte joko-sortzaile!

Ez izan presarik helmugara heltzeko. Disfrutatu ibilbideaz! Prest zaudete abentura hasteko?

Erreferentzia:  14026

22,00 €
Body: 

HELBURUA:

Euskal Herriko mapa ezagutzea, ibi eta mendi nagusiak, herriak eta herrialdeak,  oinarrizko ondare arkitektonikoa ezagutzea, eta, azkenik, oinarrizko kultur tradizioa ezagutzea .

EZAUGARRIAK:

Euskal Herriko mapa osatzen duten 100 zatiko puzzlea. Beltzuneak dauden tokiak atzamarrez igurtzita azpian dauden irudiak bistaratzen dira. 61x38cm (puzzlea)

Erreferentzia:11012

22,00 €
Body: 

HELBURUA: Jolasean, norberaren gorputza ezagutuz, eta norberaren hezur eta organo nagusiak identifikatuz, hezkidetzan oinarritutako balioak garatzea, eta, besteekin, adiskidetasun harremanak gorpuztea.

EZAUGARRIAK: 30 zatiko 2 puzzle, aurretik nahiz atzetik jolasteko. Gorputz-atalen, hezurren eta organoen izenak idatzita (letra larriz).

NOLA JOLASTU:

Bakarka:

Bi puzzle ditu jolasak. Neskaren gorputza daukan puzzleak organoen puzzlea dauka atzealdean, eta mutilaren gorputza daukan puzzleak, hezurren puzzlea. Puzzle bakoitzak zati handiak eta txikiak ditu. Puzzlea egiteko era errazena da lehendabizi neurri handiko zatiekin osatzea erdialdea, eta, ondoren, zati txikiak jartzea, albo bietan, dagokien tokian.

Binaka:

Aukeratu zein puzzlerekin jolastu eta berari dagozkion zati txikiak banatu jolaskide bien artean. Txandaka, norberari egokitutako gorputz-ataletako bat hartu eta gorputz-atal horri buruzko informazioa emango zaio kideari, izena bera esan gabe. Jolaskideak igarri egin beharko du.

Taldean:

Puzzle baten  30 zatiak partaideen artean banatuko dira. Esaterako, bost  lagun badira, seina zati partaide bakoitzari. Puzzlearen erdialdeko ezkerreko zatia daukanak hasiko du jolasa. Ondoren txandaka jarraituko da, baldin eta hurrengo jokalariak jarrita dagoen zati horrekin uztartzen den zati bat badauka. Horrelakorik ez badauka, txanda jokatu gabe utzi beharko du.

Helduon laguntzarekin:

Jolas honek sexuen artean dauden berdintasun eta desberdintasunei buruz hitz egiteko aukera ematen du. Nesken eta mutilen organo berdinak eta desberdinak zein diren azalduko diegu, desberdinak baina osagarriak garela, sexu desberdintasunei buruzko errespetuzko balioak erakutsiz.

Erreferentzia:  14025

22,00 €
Body: 

HELBURUA: Ahozko hizkuntza garatzea, irakurketa-idazketa prozesuaren kodearen ezagutzara hurbiltzen hastea, kontzientzia fonologikoa lantzea.

EZAUGARRIAK: 2 zatiko 10 puzzle, aurretik nahiz atzetik jolasteko. 10 bokal ahokagarri. Aurrealdean irudia eta bokala eta, atzealdean, dagokion hitza (larriz eta xehez).

NOLA JOLASTU:

Bakarka:

Mahai gainean jartzen dira zati guztiak, ahoz gora, nahastuta. Lehendabizi haurrak bokal bakoitza dagokion puzzle zatian sartuko du. Hori egindakoan, gainontzeko atalak begiratu eta elkarrekin lotu behar ditu, bokal bakoitza berari dagokion irudiarekin. Era horretan puzzle guztiak osatuko dira. Fitxen atzealdearekin ere osa daitezke puzzleak.

Bokalak -solte hartuta- letrak idazteko txantiloi legez erabil daitezke, letraren silueta margo edo arkatz batekin inguratuz paper baten gainean.

Binaka:

Puzzle zatiak bi multzotan banatu, eta haur bakoitzak kopuru erdia hartuko du. Haur batek letrak dituzten zatiak, eta, besteak, irudiak dituztenak. Haur batek letra daukan puzzle zati bat aterako du, eta, besteak, letra horri dagokion irudia jarriko du. Horrela, bien artean, puzzle guztiak osatuko dituzte.

Helduon laguntzarekin:

Bokal baten puzzle zatia hartuta bokal horrekin/soinu horrekin hasten diren beste hitz batzuk aurkitzen jolastu daiteke: “A…tea, a…stoa, a…rraina, hitzak “a” letraz hasten dira. Ezagutzen duzu “a” soinuaz hasten den beste hitzen bat?...”

Erreferentzia:  14023

20,00 €
Body: 

Euskaraz bizi egitasmotik sortutako Argitxo pertsonaiaren irudian oinarritutako panpina bigun-biguna.  Euskaraz bizitzen lagunduko dion panpina honek segurtasun afektiboa emango dio haurrari, bere lehendabiziko urteetan. Umea nagusitzen doan neurrian, eta jolasak aldatzen, bere jolasetan integratzeko aukera izango du (txotxongiloak, antzerkia, jolas sinbolikoa…). Jolaserako lagun maitagarria!

26,00 €

Orriak

RSS - Jolasak eta jokoak-rako harpidetza egin