Hutsik

Total: 0,00 €

11 urte (6. maila)

Body: 
Hiru jolas: ahoz azaldu, mimika egin, eta marraztu.
Hiru hizkuntza
60 karta, dadoa, eta harea-erlojua
 
Nola jolastu
Kaxan dauden elementuak atera, eta guztion eskura jarri behar dituzue, kartak ondo nahastatuta eta ahuspez direla. Taldeak osatuko dituzue, eta txandaka jolastuko duzue, kartan agertzen den hitza zuen taldekideei adierazten, eta,  taldekideek, igarri egin beharko dute. 
 
Horretarako, dadoa bota behar duzue, eta bertan egokitutako kolorearen arabera era batera edo bestera adierazi beharko diezue taldekideei egokitutako hitza: ahoz (dadoan kolore horia egokitzen bada), mimikaz (gorria egokitzen bada) edo marraztuz (morea suertatzen bada). Harea-erlojuak mugatuko du denbora. Taldekideon artean zereginak txandakatzen joango zarete. Kartetan dauden hizkuntzetatik bat aukeratu behar duzue, jolasten hasi aurretik.
 
Taldeok txandaka arituko zarete, honela: dagokion taldeak lortzen badu egokitutako hitza igartzea, karta hori jaso egingo du eta hurrengo taldeak izango du txanda. Horrela ez balitz, karta hori berriro karta-sortaren azpian sartuko luke. Kartak bukatzen direnean karta gehien dituen taldea da irabazlea!
 
18,00 €
Body: 
Hiru jolas: hitza igarri, parea aurkitu, eta istoriotxoa asmatu.
60 karta
 
Nola jolastu:
Karta bakoitzean hitz bat “ezkutatuta” dago. Karta erdietan hitza osatzen duten silabak agertuko dira, eta, beste erdietan, hitza osatzen duten letrak (solte eta eragabe, baina lehendabiziko letra markatuta). Karta bakoitzean “ezkutatuta” dagoen hitza igarri behar duzue. 30 hitz eta 60 karta dituzue.
 
Kartak nahastatu,  eta bata bestearen gainean jarri, piloa osatuz .Txandaka, bakoitzean batek goren dagoen karta bistaratuko duzue. Bistaratutako hitza bizkorren  igartzen duen taldekideak  jasoko du karta. Karta-sorta amaitzen denean karta gehien jaso dituen
jolaskideak irabaziko du. Kartaren bat oker aipatzen bada, berriro txertatuko da karta sortan. Aurreikusita ez ditugun hitzak ere onartuko dira.
Jolasteko era honen beste bertsio bat, honako hau duzue: taldeka hitza igarriko duzue, denbora mugarik gabe, talde bakoitzak behar duen denbora erabiliz.
 
PAREAK AURKITU:  60 kartak erabilita, hitz bera duten bi kartak aurkitu behar dituzue, pare-jokoetan jolasten den bezala jolastuta.
 
ISTORIOTXOA ASMATU: 30 hitz hartu eta denon erdian jarri karta-sorta. Bi karta zoriz hartuta, hitz horiekin istorio labur, barregarri edo harrigarria asmatu, txandaka.
 
 
18,00 €

Aplikazio honetan Euskal Herriko lau dantza ezagutzeko aukera izango duzu, Euskal Curriculumaren berariazko edukien artean ditugunak, lauak, hain zuzen ere:

Zapatain-dantza, Esku-dantza, Xan Petrike eta Zazpi Jauziak. Xan Petrikek beste bi izen ditu: Bizkar-dantza eta Yan Petite qui danse.

Zapatain-dantza, Esku-dantza eta Xan Petrike irri-dantzak edo joko-dantzak dira. Joko-dantza esaten zaie dantza eta jokoa uztartzen dituztelako: dantza-pauso batzuek osatzen dute dantza, eta mugimendu jakin batzuek osatzen dute jokoa.

Egitura erritmiko sinpleak dituzte, eta horregatik, beharbada, dantzatzen dituzte umeek gaur egun. Baina sasoi batean, herriko gazteek egiten zituzten, denbora pasatzeko. Euskal Herri osoan daude hedatuta, baina Nafarroan eta Iparraldean, bereziki Luzaide eta inguruko herrietan, iraun dute bizirik gehienbat.

Bestalde, Euskal Herrian bizirik iraun duten dantzarik garrantzitsuenetarikoak Jauziak dira, eta euren artean Zazpi Jauziak da ezagunenetarikoa. Ardatza zirkuluaren erdigunea izanik, dantzariek erdigune horren inguruan egiten dute dantzan, elkarri heldu gabe. Hainbat pauso egin behar dira ordena jakin bati jarraituta, eta pauso horietako bakoitzak izen bat dauka; taldean ari den dantzarietako batek izendatzen ditu pausoen izenak, egiten diren heinean.

Ez izan lotsarik eta hasi dantzan!

https://play.google.com/store/apps/details?id=eus.ikastola.dantzan&hl=es

0,00 €
Body: 

HELBURUAK:

Etxe ondoan edo herri-gunetik oso hurbil familiaren kontsumorako baratze txikiak, ortuak  izatea  ohikoa izan da gure herrietan, gure kulturan. 

Jolas  kooperatibo  honen bidez nekazari girora hurbilduz, eta ohitura horren transmisioa bermatu nahian, baratzean urtaro bakoitzean zer erein eta  zer landatzen den  ezagutuko dugu, eta baratzea zaintzeko egin behar diren lanetan murgilduko gara. Gure neska-mutilek baserriko nahiz hiriko baratzeko oinarrizko egutegia ezagut dezaten nahi dugu.

EZAUGARRIAK:

Edukia: Taula (50x50 cm), Pertsonaiak (3 Baserritar eta Basurdea), Basurdearen puzzlea (12 zati), Haziak eta landareak (18 fitxa), Ortuarien uzta (18 fitxa), Fruituen uzta (8), Lanak (9 fitxa),  eta dadoak (zenbakiduna eta berezia). Jolasteko arau zehatzak eta ortuarien egutegia aparteko orri batean.

NOLA JOLASTU:

HELBURUA

Jolasaren helburua da hiru baserritarren artean, kooperazioan, ahalik eta uzta gehien jasotzea. Baratzeko lanak ere egin beharko dituzte bide naturalak erabiliz, gainera! Eta naturaren egoerei eta basurdeari aurre egin! Ez da lan erraza!

Uzta batu baino lehen basurdeak bere 24 zatiko puzzlea osatzen badu, baserritarrek galdu dute jolasa!

Urrezko baserritarraren titulua lortzeko ortuarien eta fruituen artean 20 eskuratu behar dira, eta lurraren zaintzarekin lotutako 5 lan egin, guztien artean.

Zilarrezko baserritarraren titulua eskuratzeko ortuarien eta fruituen artean 13 eskuratu behar dira, eta lurraren zaintzarekin lotutako 3 lan egin, guztien artean.

JOLASTEKO ARAU ZEHATZAK KAXA BARRUAN.  

20,00 €
Body: 

Jokoaren helburua beste jokalariak aukeratutako hitza asmatzea da, hitz hori osatzen duten letrak igarriz. Euskaraz zein ingelesez jolasteko.

Jokalari bakoitzak zortzi letratako hitza pentsatuko du eta letraz letra osatuko du, euskarriaren goialdean horretarako dagoen tokian jarriko du, eskuinetik ezkerrera, eta jartzen  duenari begira, norberari begira, beste jokalariak ikus ez dezan. 

Jokalari bakoitzak beste jokalariak aukeratutako hitzak zer letra izan ditzakeen pentsatu beharko du eta letra horiez galdetu. Igartzen ez badu, urkatuaren irudian posizio bat mugituko du. Urkatuaren irudia bederatzi pausotan osatzen da. Irudi osoa agertzen ikusten duzunean galduta zaude!

Jolasteko ohiko eratik aparte, beste proposamen batzuk eskaintzen ditugu argibideetan: Bi euskarri, Hasten da, hasten da…, Nahaste-Borrastea, Irudiak idazten, Hitza, jolas, Arauak adosten, Ingelesez jolasten.

Joko honek hainbat oinarrizko konpetentzia garatzen lagunduko die neska-mutilei: 

  • gozatzen eta arazoei aurre egiten
  • parte hartzen, arauak errespetatzen
  • tresnak erabiltzen, mugimenduak koordinatzen
  • galderak egiten, arretaz entzuten
  • ordenatzen eta inferitzen 

ESAR SAILKAPENA: Arau soileko jokoa: Galdera-erantzuneko jokoa, oinarrizkoa.

20,00 €
RSS - 11 urte (6. maila)-rako harpidetza egin