Hutsik

Total: 0,00 €

Orokorrak

Produktu honekin ez da gai zehatzik lantzen.

Body: 

HELBURUA: Ahozko hizkuntza garatzea, irakurketa-idazketa prozesuaren kodearen ezagutzara hurbiltzen hastea, kontzientzia fonologikoa lantzea.

EZAUGARRIAK: 2 zatiko 10 puzzle, aurretik nahiz atzetik jolasteko. 10 bokal ahokagarri. Aurrealdean irudia eta bokala eta, atzealdean, dagokion hitza (larriz eta xehez).

NOLA JOLASTU:

Bakarka:

Mahai gainean jartzen dira zati guztiak, ahoz gora, nahastuta. Lehendabizi haurrak bokal bakoitza dagokion puzzle zatian sartuko du. Hori egindakoan, gainontzeko atalak begiratu eta elkarrekin lotu behar ditu, bokal bakoitza berari dagokion irudiarekin. Era horretan puzzle guztiak osatuko dira. Fitxen atzealdearekin ere osa daitezke puzzleak.

Bokalak -solte hartuta- letrak idazteko txantiloi legez erabil daitezke, letraren silueta margo edo arkatz batekin inguratuz paper baten gainean.

Binaka:

Puzzle zatiak bi multzotan banatu, eta haur bakoitzak kopuru erdia hartuko du. Haur batek letrak dituzten zatiak, eta, besteak, irudiak dituztenak. Haur batek letra daukan puzzle zati bat aterako du, eta, besteak, letra horri dagokion irudia jarriko du. Horrela, bien artean, puzzle guztiak osatuko dituzte.

Helduon laguntzarekin:

Bokal baten puzzle zatia hartuta bokal horrekin/soinu horrekin hasten diren beste hitz batzuk aurkitzen jolastu daiteke: “A…tea, a…stoa, a…rraina, hitzak “a” letraz hasten dira. Ezagutzen duzu “a” soinuaz hasten den beste hitzen bat?...”

Erreferentzia:  14023

20,00 €
Body: 

Jokoaren helburua beste jokalariak aukeratutako hitza asmatzea da, hitz hori osatzen duten letrak igarriz. Euskaraz zein ingelesez jolasteko.

Jokalari bakoitzak zortzi letratako hitza pentsatuko du eta letraz letra osatuko du, euskarriaren goialdean horretarako dagoen tokian jarriko du, eskuinetik ezkerrera, eta jartzen  duenari begira, norberari begira, beste jokalariak ikus ez dezan. 

Jokalari bakoitzak beste jokalariak aukeratutako hitzak zer letra izan ditzakeen pentsatu beharko du eta letra horiez galdetu. Igartzen ez badu, urkatuaren irudian posizio bat mugituko du. Urkatuaren irudia bederatzi pausotan osatzen da. Irudi osoa agertzen ikusten duzunean galduta zaude!

Jolasteko ohiko eratik aparte, beste proposamen batzuk eskaintzen ditugu argibideetan: Bi euskarri, Hasten da, hasten da…, Nahaste-Borrastea, Irudiak idazten, Hitza, jolas, Arauak adosten, Ingelesez jolasten.

Joko honek hainbat oinarrizko konpetentzia garatzen lagunduko die neska-mutilei: 

  • gozatzen eta arazoei aurre egiten
  • parte hartzen, arauak errespetatzen
  • tresnak erabiltzen, mugimenduak koordinatzen
  • galderak egiten, arretaz entzuten
  • ordenatzen eta inferitzen 

ESAR SAILKAPENA: Arau soileko jokoa: Galdera-erantzuneko jokoa, oinarrizkoa.

20,00 €
Body: 

CD-ROM hau irakurketa-trebeziak lantzeko softwarea da, Txanela proiektuan garatzen den curriculumaren osagarri moduan, betiere aniztasunari erantzuteko asmoz. Helburu nagusia hau da: irakurketaren alderdi teknikoarekin eta instrumentalarekin zerikusia duten hainbat trebezia garatzea, trebezia horien lanketa sistematiko eta autonomoa egiteko ariketak eskaintzea, den-dena, zailtasunak eta arazo korapilatsuak kontuan direla, progresiboki antolatuta.

Bi ataletan banatuta daude jarduerak: Arranoaren jarduerak (irakurleak lan eraginkorra egin dezan, irakurketaren helburuak lortzeko beharrezko den gutxieneko abiadura garatu beharko du) eta Hontzaren jarduerak (irakurtzean garrantzi handikoa da xehetasunak atzematea: ortografikoak, grafia-fonema erlazioari dagozkionak, letren formari dagozkionak…). Irakurtzen hobetzeko eta ahozko testuen ulermenean trebatzeko diren zenbait jardueraz osatuta dago.

Sistema eragileak: Windows, Mac

Ordenagailuaren gutxieneko ezaugarriak: Windows 98 edo berriagoa, 256 Mb-eko RAM memoria, CD-ROM irakurlea, 1024x768 pixel eta milaka koloretako monitorea, QuckTime 6.0 edo berriagoa, soinu-txartela.

10,00 €
Body: 

Txanela proiektuko CD-ROM  dibertigarri honek Ingurumena eta Kizkuntza lantzen ditu. Bidean aurrera egiteko, jokalariak egokitu zaion galdera edo proba gainditu behar du. Galderak gaindituz egingo dute aurrera ibilbidean zehar. Kleok jarriko dizkien probak arin eta zuzen eginez beren jakinduria azaldu beharko dute. 6 gai lantzen dira: Maite ditut maite, gure bazterrak!; Ameriketara joan nintzen!; Mugi gorputza eta izan ontsa!; Mila gau eta bat gehiago; Ura, bizitzaren iturri; Izan zirelako gara, garelako izango dira. Ikasteko joko-bilduma da (sinonimoak, antonimoak, ortografia, aditzak, hiztegia, deklinabideak, perpausak…).

Ordenagailuaren gutxienezko ezaugarriak: Windows 98 edo berriagoa, 64 Mb-eko RAM memoria, CD-ROM irakurlea, 800x600 pixel edo milaka koloretako monitorea, soinu-txartela.

10,00 €

Orriak

RSS - Orokorrak-rako harpidetza egin