Hutsik

Total: 0,00 €

5 urte

Body: 

HELBURUA: Jolasean, norberaren gorputza ezagutuz, eta norberaren hezur eta organo nagusiak identifikatuz, hezkidetzan oinarritutako balioak garatzea, eta, besteekin, adiskidetasun harremanak gorpuztea.

EZAUGARRIAK: 30 zatiko 2 puzzle, aurretik nahiz atzetik jolasteko. Gorputz-atalen, hezurren eta organoen izenak idatzita (letra larriz).

NOLA JOLASTU:

Bakarka:

Bi puzzle ditu jolasak. Neskaren gorputza daukan puzzleak organoen puzzlea dauka atzealdean, eta mutilaren gorputza daukan puzzleak, hezurren puzzlea. Puzzle bakoitzak zati handiak eta txikiak ditu. Puzzlea egiteko era errazena da lehendabizi neurri handiko zatiekin osatzea erdialdea, eta, ondoren, zati txikiak jartzea, albo bietan, dagokien tokian.

Binaka:

Aukeratu zein puzzlerekin jolastu eta berari dagozkion zati txikiak banatu jolaskide bien artean. Txandaka, norberari egokitutako gorputz-ataletako bat hartu eta gorputz-atal horri buruzko informazioa emango zaio kideari, izena bera esan gabe. Jolaskideak igarri egin beharko du.

Taldean:

Puzzle baten  30 zatiak partaideen artean banatuko dira. Esaterako, bost  lagun badira, seina zati partaide bakoitzari. Puzzlearen erdialdeko ezkerreko zatia daukanak hasiko du jolasa. Ondoren txandaka jarraituko da, baldin eta hurrengo jokalariak jarrita dagoen zati horrekin uztartzen den zati bat badauka. Horrelakorik ez badauka, txanda jokatu gabe utzi beharko du.

Helduon laguntzarekin:

Jolas honek sexuen artean dauden berdintasun eta desberdintasunei buruz hitz egiteko aukera ematen du. Nesken eta mutilen organo berdinak eta desberdinak zein diren azalduko diegu, desberdinak baina osagarriak garela, sexu desberdintasunei buruzko errespetuzko balioak erakutsiz.

Erreferentzia:  14025

22,00 €
Body: 

HELBURUA: Ahozko hizkuntza garatzea, irakurketa-idazketa prozesuaren kodearen ezagutzara hurbiltzen hastea, kontzientzia fonologikoa lantzea.

EZAUGARRIAK: 2 zatiko 10 puzzle, aurretik nahiz atzetik jolasteko. 10 bokal ahokagarri. Aurrealdean irudia eta bokala eta, atzealdean, dagokion hitza (larriz eta xehez).

NOLA JOLASTU:

Bakarka:

Mahai gainean jartzen dira zati guztiak, ahoz gora, nahastuta. Lehendabizi haurrak bokal bakoitza dagokion puzzle zatian sartuko du. Hori egindakoan, gainontzeko atalak begiratu eta elkarrekin lotu behar ditu, bokal bakoitza berari dagokion irudiarekin. Era horretan puzzle guztiak osatuko dira. Fitxen atzealdearekin ere osa daitezke puzzleak.

Bokalak -solte hartuta- letrak idazteko txantiloi legez erabil daitezke, letraren silueta margo edo arkatz batekin inguratuz paper baten gainean.

Binaka:

Puzzle zatiak bi multzotan banatu, eta haur bakoitzak kopuru erdia hartuko du. Haur batek letrak dituzten zatiak, eta, besteak, irudiak dituztenak. Haur batek letra daukan puzzle zati bat aterako du, eta, besteak, letra horri dagokion irudia jarriko du. Horrela, bien artean, puzzle guztiak osatuko dituzte.

Helduon laguntzarekin:

Bokal baten puzzle zatia hartuta bokal horrekin/soinu horrekin hasten diren beste hitz batzuk aurkitzen jolastu daiteke: “A…tea, a…stoa, a…rraina, hitzak “a” letraz hasten dira. Ezagutzen duzu “a” soinuaz hasten den beste hitzen bat?...”

Erreferentzia:  14023

20,00 €
Body: 

Haurrari euskara maitatzen lagunduko dion Argitxo dugu edalontzi honetako protagonista. Era honetan, haurrak hasiera-hasieratik izango du euskararekin identifikatzen lagunduko dion pertsonaian oinarritutako eguneroko bizitzarako tresneria.   Edari hotzak nahiz beroak hartzeko; etxean nahiz ikastolan erabilgarria. Mikrouhin-labean erabil daiteke. 

4,00 €
Body: 

Euskaraz bizi egitasmotik sortutako Argitxo pertsonaiaren irudian oinarritutako panpina bigun-biguna.  Euskaraz bizitzen lagunduko dion panpina honek segurtasun afektiboa emango dio haurrari, bere lehendabiziko urteetan. Umea nagusitzen doan neurrian, eta jolasak aldatzen, bere jolasetan integratzeko aukera izango du (txotxongiloak, antzerkia, jolas sinbolikoa…). Jolaserako lagun maitagarria!

26,00 €
Body: 

Euskaraz bizitzen laguntzen digun Argitxo da merienda-poltsa honetako protagonista. Janaria eramateko erabiltzen da, nagusiki, baina beste gauza batzuk ere eraman daitezke (arropa, eskola-materiala…). Pertxetan zintzilikatzeko soka dakar. Motxila legez eramangarria. Norbere izenarekin pertsonalizatzeko tokia du. Diseinu erakargarria.

Neurria:  24x28cm 

8,00 €

www.Argitxo.eus

Argitxo, zuekin jolas egitera dator. Euskaraz Bizi proiektuaren barnean, 3-6 adin tarterako sortutako materialaren osagarri gisa eraiki da. Android eta web aplikazioa da. Euskarri honen bitartez, teknologia berrien Euskal presentzia bermatzea bilatzen da. Produktu honetan dauden jokoak diseinatzerakoan, haurrentzako egokiak diren jolasak integratu dira sekuentzia batean. Sekuentzia hauek haurrak bizitza errealean topa ditzaketen egoertan baliatuz oinarrizko balore eta gaitasun egokiak lantzen ditu.

Android dispositibo batean jolastu nahi baduzu, Google Play-tik App-a deskargatzeko aukera duzu:
https://play.google.com/store/apps/details?id=argitxo.ehi

5,00 €

Orriak

RSS - 5 urte-rako harpidetza egin